मुंबई : फळे (Fruits) प्रत्येकाच्या आरोग्यासाठी फायदेशीर (Beneficial) असतात, मग ती मुले असोत किंवा वृद्ध, प्रत्येकाला फळे (Fruits) खाण्याचा सल्ला दिला जातो. पण या ठिकाणी तुम्हाला सांगतो की वेळेनुसार फळांचे सेवन केले पाहिजे, अन्यथा ते तुमचे नुकसान देखील करू शकतात. विशेषतः रात्रीच्या वेळी या फळांचे सेवन केल्याने आरोग्याला हानी पोहोचत असते. एवढेच नाही तर रात्री फळांचे सेवन केल्यामुळे तुम्हाला अनेक आजारांना देखील सामोरे जावे लागू शकते. त्यामुळे शक्यतो रात्रीच्या वेळी फळांचे सेवन टाळावे.
 |
| रात्रीच्या वेळी ही फळे खाणे टाळा (Avoid eating this fruit at night) |
रात्रीच्या वेळी ही फळे खाणे टाळा (Avoid eating this fruit at night)
केळी (Banana)
रात्री केळीचे सेवन करणे कधीच फायद्याचे नाही. जरी बरेच लोक वर्कआऊट (Workout) नंतर संध्याकाळी केळीचे सेवन करत असतात. ज्यूसच्या स्वरूपात असो किंवा फ्रूट सॅलडच्या स्वरूपात, पण रात्रीच्या वेळी ते कधीच सेवन करू नये. जर तुम्ही देखील रात्री केळीचे सेवन करत असाल तर यामुळे तुमच्या शरीराचे तापमान वाढू शकते, ज्यामुळे झोपेमध्ये त्रास होण्याची शक्यता असते. त्यामुळे रात्री केळीचे सेवन करणे टाळावे.
सफरचंद (Apples)
सफरचंद खाण्याचा सल्ला प्रत्येक डॉक्टर देत असतात. रोज सफरचंद खाल्ले तर आपल्या शरीराचे अनेक आजारांपासून संरक्षण होत असते, मात्र रात्रीच्या वेळी सफरचंदाचे सेवन कधीच करू नये. जर तुम्ही रात्री सफरचंद खाल्ले तर तुम्हाला अनेक समस्यांना सामोरे जावे लागू शकते. सफरचंदात फायबर (Fiber) असते जे रक्तातील साखर (Blood sugar) नियंत्रित करते. पण रात्री सफरचंद खाणे पचनसंस्थेसाठी (Digestive system) चांगले नाही. जास्त फायबरमुळे, जेवल्यानंतर झोपल्यास गॅस (Gas) किंवा अॅसिडिटी (Acidity) सारख्या समस्या उद्भवतात.
चिकू (Chiku)
रात्रीच्या वेळी चिकूचे देखील सेवन करू नका. चिकूमध्ये साखरेचे प्रमाण खूपच जास्त असते. अशा परिस्थितीत जर तुम्ही रात्री चिकू खाल्ले तर ते तुमच्या शरीरातील साखर (Sugar) आणि ऊर्जा पातळी (Energy level) वाढवते. यामुळे तुम्हाला झोपेचा त्रास होऊ शकतो. त्यामुळे रात्री चिकूचे सेवन करणे टाळावे.